काठमाडौं । राष्ट्रिय स्वतन्त्र पार्टीका सांसद ढाकाकुमार श्रेष्ठले राजिनामा तयारी गरेका छन् । अडिओ प्रकरणमा मुछिएका उनले २४ घण्टाभित्र लिखित स्पष्टीकरण नदिएपछि राजिनामा दिने तयारी गरेका हुन् ।
विवाददीत मेडिकल व्यवसायी दुर्गा प्रसाईंसँगको फोन सम्वादका विषय रास्वपाको अनुशासन समितिले २४ घन्टाको समय दिएर आइतबार तीन बजे श्रेष्ठलाई स्पष्टीकरण सोधेको थियो ।
उनले आफ्नो आवाजलाई सम्पादन गरेर अडिओ बनाइएको र आफूलाई अन्यायमा परेको भन्दै थप समय मागेका छन् ।
यता अनुशासन समितिले भने सार्वजनिक भएको अडिओलाई फरेन्सिक टेस्टका लागि पठाउने तयारी गरेको छ ।
पार्टी सभापति रवि लामिछानेले आइतबार चितवनमा भाषण गर्दै ७० घण्टाभित्र छानबिन गरेर कारबाही गर्न नसके आफूलाई गढीमाईमा बलि दिन चुनौती दिएका थिए ।
